डायनिंग टेबलावर सुंदर फुलदाणी
फ़ुलदाणीत ठेवलेले
पांढ-याशुभ्र इवल्या फुलांचे डौलदार तुरे
घराची शोभा वाढवून
आजुबाजुला जणू सुगंध सांडणारे...
घरी येणारे जाणारे विचारतात
खरी फुलं
हो..
सुंदर आहेत हं..
Thanks..
डायनिंग टेबल पुसता पुसता
न राहवून फुलांना हात लावतेच
ती वाळून कडकडीत झालेली फुलं
नुसत्या स्पर्शानेच त्यातली काही गळून पडतात...
म्हणतात सुकलेली फुलं घरात ठेवू नयेत म्हणुन
टाकुन द्यावीत..
पण प्रत्येक सुकलेली गोष्ट
अशी सहजासहजी टाकता येत नाही...नाही का ?
अगदी... आपलं आयुष्यही..
कोणाच्या लक्षात येण्याआधीच
ती फुलं मी लगबगीने उचलून घेते..
पुन्हा एकवार ती फुलं नीटनेटकी होतात
घराची शोभा वाढत रहावी म्हणुन..
कोई टिप्पणी नहीं:
एक टिप्पणी भेजें