आनंदाच्या लाटांमधूनी
शोधिते तुला मुकुंदा...
हरवुनी मी मला..शोधिते तुला...
शब्दांच्या या पाऊलवाटा
गोकुळातून येती जाती...
शब्दांमधुनी स्पर्श तुझे
स्पर्शांमधली अनाम नाती...
निळाईतून व्यापून राही तूच तू घनश्यामा
हरवुनी मी मला...शोधिते तुला...
बासरीचे सूर दूरवर
आसमंती व्यापलेले
पाऊस वेडा ओला नवथर
प्राणांमधूनी सुर रुजलेले
तनमन व्यापून मुक्त असा तू
मुक्त असा लडीवाळा...
हरवुनी मी मला...शोधिते तुला...
तूच ये....समजून घे
फुलून ये...बहरून ये
लहरत ये...बरसत ये...
तुषार होऊन भिजवून टाक॥
या तृषार्त मना...
हरवुनी मी मला...शोधिते तुला...
कोई टिप्पणी नहीं:
एक टिप्पणी भेजें