स्वप्न

एखादं स्वप्न कधी होऊच नये पूर्ण
अपुर्णाची हुरहूर अखेरपर्यंत रहावी
त्या स्वप्नांच मोल कधीच न करता,
आपल्या माणसाची वाट शेवटपर्यंत पहावी...

कसलीच अपेक्षा नसावी
अशा जीवनभर जळणयात...
निराशेची काजळी झटकत,
कुणासाठी तरी आपली
निरांजनाची वात व्हावी...

आपणच व्हावे वाट
वाट त्याची पाहता पाहता
शेवटच्या वळणावर..निरोपाचा हात हलवून
देहातील प्राणाने मग त्याला
अखेरची हाक द्यावी...

डोळे मिटता मिटता मात्र
अखेरचा तोच दिसावा...
अन् ह्या जीवनाची यात्रा मग
त्या एका सुंदर क्षणात संपावी...